ఇంటా బయట మహిళలకు రక్షణ కరవవుతోంది. రోజుకో గగుర్పాటు కలిగించే చేదు వార్త వినాల్సి వస్తోంది. ఇటీవల జరిగిన అఘాయిత్యాలు అందరినీ నివ్వెరపాటుకు గురిచేశాయి. అదను చూసుకొని లైంగిక వేధింపులు, భౌతిక దాడులకు పాల్పడే మృగాళ్లకు ముకుతాడు వేయాల్సిన తరుణమిది. ఎవరి తోడూ లేకుండా మహిళలు ఒంటరిగా బయటకు వెళ్లి తిరిగి క్షేమంగా చేరుకునే పరిస్థితులు రావాలి. భద్రతకు అండగా నిలబడ్డంతోపాటు ఆపత్కాలంలో తక్షణం సాయమందించే వ్యవస్థలపై ప్రతీ ఒక్కరు అవగాహన పెంచుకోవాల్సి ఉంది. దుర్మార్గుల పీచమణచేందుకు కఠిన శిక్షలు ఉన్నాయి. మహా నగరంలో ప్రతీ మహిళ ఈ దిశగా చైతన్యం పెంచుకునేలా పలు చట్టాలు, నేరస్థులకు పడే శిక్షలు.. ఇలా వివిధ అంశాలపై ‘రక్షణ చట్టం.. రక్షణ ఛత్రం’| వెంటాడి.. వేధిస్తున్నారా! ఐపీసీ 354(డి)  ఏటా మూడు కమిషనరేట్ల పరిధుల్లో వచ్చే ఈ తరహా ఫిర్యాదులు: 1670దైనందిన జీవితం, వేర్వేరు పనుల నిమిత్తం నగరంలో నివసిస్తున్న వారు బయటకు వస్తున్నారు. వీరివెనుక ఎవరూ ఉండరు అన్న అంచనాతో పోకిరీలు, ఆకతాయిలు వేధిస్తున్నారు. కొందరైతే ఏకంగా మీదపడి రచ్చ చేస్తున్నారు. పోలీసులకు ఫిర్యాదుచేస్తే కేసులు, విచారణలు అంటూ ఠాణాల చుట్టూ తిరగాల్సి వస్తుందని బాధితులు సహిస్తున్నారు. ఎక్కడెక్కడ బాధితులెవరు.. శిక్షలిలా… |
| అశ్లీల వీడియోలతో ఆగం చేస్తుంటే! ఐటీ చట్టం 66సిఏటా చరవాణులతో వేధింపులపై వచ్చే ఫిర్యాదులు: 900 మహిళలు, యువతులు, విద్యార్థినుల చరవాణికి అసభ్య చిత్రాలు, వీడియోలు వస్తున్నాయి. చరవాణిలో వాట్సాప్‌ చూద్దామంటే సిగ్గుతో చితికిపోతున్నారు. భరించలేక కొందరు వాట్సాప్‌ సౌకర్యాన్నే తీసేసుకుంటుండగా… మరికొందరు పోలీసులకు ఫిర్యాదు చేస్తున్నారు. కొందరిని నిందితులు బెదిరించి పబ్బం గడుపు కొంటున్నారు. ఎక్కడెక్కడ శిక్షలిలా… |
| దుశ్శాసనచేష్టను దునుమాడేద్దాం ఐపీసీ 3 54(బి)ఏటా బహిరంగ ప్రదేశాల్లో వేధింపులు (శాతాల్లో..): 20నగరం శివారు ప్రాంతాల్లోని మహిళలు స్వేచ్ఛగా తిరిగేందుకు అవకాశాలు లేకుండా పోతున్నాయి. ఇలాంటి పరిస్థితులను అవకాశాలుగా మలుచుకుని మద్యం మత్తులో యువకులు, నేరాలు చేసేందుకు ఒంటరి మహిళపై దాడులు చేస్తున్నారు. వారిపై ఒత్తిడి చేసి వివస్త్రను చేసి దుశ్శాసన పర్వానికి ఒడిగడుతున్నారు. ఎక్కడెక్కడ శిక్షలిలా… |
| లైంగికంగా వేధిస్తే జైలే.. ఐపీసీ 354(ఎ)  వసతి గృహ పరిసరాల్లో ఏటా వేధింపులు(శాతాల్లో) 30మెట్రో నగరాలు, పట్టణాలు, జిల్లా కేంద్రాల్లో తోడు లేకుండా మహిళలు బయటకు వెళ్లలేక పోతున్నారు. హైదరాబాద్‌లో రోజుకు 4.5లక్షల యువతులు, మహిళలు, 3లక్షల విద్యార్థినులు ఉదయం వెళ్లి సాయంత్రం ఇళ్లకు చేరతారు. ఈ క్రమంలో ముసుగేసుకున్న మృగాళ్లు లైంగికంగా వేధించినా… భౌతిక దాడులకు దిగినా ఫిర్యాదు చేస్తే చట్టం వారి పని పడుతుంది. ఎక్కడెక్కడ? బాధితులెవరు.. శిక్షలిలా… |
| తొంగి చూస్తే తోలు తీస్తుంది! ఐపీసీ 354(సి)  ఏటా నగరంలో రహస్య కెమెరాతో చూస్తున్న ఘటనలు 50 నుంచి 100సైఫాబాద్‌ పరిధిలో ఓ యువతికి అవమానభారంతో కుంగిపోయే అనుభవం ఎదురయ్యింది. ఆమె స్నానం చేసేందుకు వెళ్తుండగా… బాత్‌రూమ్‌ కిటీకి వద్ద ఏదో వస్తువు ఉన్నట్టు గమనించింది. అనుమానంతో అక్కడికి వెళ్లి చూడగా… కెమెరా ఫోన్‌ కనిపించింది. షాక్‌కు గురై ‘షి’బృందానికి ఫిర్యాదు చేశారు. పోలీసులు ఇద్దరు యువకులను పట్టుకున్నారు. ఎక్కడెక్కడ బాధితులెవరు.. శిక్షలిలా… |
| కసిదీరా.. కాల్చేస్తున్నారు.. ఐపీసీ 302, 195ఎ  ఏటా నమోదయ్యే కేసులు శాతాల్లో.. 4విపరీత మనస్తత్వం ఉన్నవారు యువతులు, మహిళలను అపహరించకుని వచ్చి లైంగిక కోర్కెలు తీర్చుకున్నాక పోలీసులకు ఫిర్యాదు చేస్తే జైలుకు వెళ్లాలని బాధితులను కాల్చేస్తున్నారు. అసోంలో పనిచేస్తున్న ఓ ఇంజినీర్‌ స్నేహితుడు ఇంజినీర్‌ భార్యను ఇలా చేసే నిప్పటించి చంపేశాడు.హైదరాబాద్‌, సైబరాబాద్‌, రాచకొండ పోలీస్‌ కమిషనరేట్లలో క్రమంగా పెరుగుతున్నాయి. ఎక్కడెక్కడ బాధితులెవరు.. శిక్షలిలా… |
| డేటింగ్‌ సైట్లలో మీ ఫోన్‌ నంబరా! ఐటీ చట్టం 66సి ఐపీసీ సెక్షన్లూ ఉన్నాయ్‌  డేటింగ్‌ సైట్లో వివరాలు ఉంచారని గతేడాది వచ్చిన ఫిర్యాదులు 50హైదరాబాద్‌లో నివసిస్తున్న ఒక సినీనటి ఫొటోను కొద్దిరోజుల క్రితం ఓ డేటింగ్‌ వెబ్‌సైట్‌లో సైబర్‌ నేరస్థులు పోస్ట్‌ చేశారు. ఆమెను గురించి అసభ్యకర సమాచారం తోపాటు ఆమె ఫోన్‌ నంబరును ప్రకటించారు. ఈ విషయం స్నేహితులు చెప్పడంతో తెలుసుకుని షాక్‌కు గురైన ఆమె ఫోన్‌ను స్విచ్ఛాఫ్‌ చేసింది. మరో ఘటనలో నారాయణగూడలో ఉంటున్న ఓ వైద్యుడి భార్యకూ ఇలానే జరిగింది. ఎక్కడెక్కడ బాధితులెవరు.. శిక్షలిలా… |
| ఫేస్‌బుక్‌లో పెడచూపులు చూస్తుంటే! ఐటీ చట్టం 66సి  ఏటా ఇలాంటి ఫిర్యాదులు మూడు కమిషనరేట్ల పరిధుల్లో 2800యువతులు, విద్యార్థినుల పేరుతో వారి పరిచయస్థులు, స్నేహితులు, అపరిచితులు నకిలీ ఫేస్‌బుక్‌, ఇన్‌స్టాగ్రామ్‌ ఖాతాలను సృష్టిస్తున్నారు. బాధితురాలి స్నేహితులు, కుటుంబ సభ్యులు, సన్నిహితుల వివరాలను తెలుసుకుంటున్నారు. కొద్దిరోజుల తర్వాత నకిలీ ఫేస్‌బుక్‌, ఇన్‌స్టాగ్రామ్‌ ఖాతాల్లో అసభ్యకర చిత్రాలను పోస్టు చేస్తున్నారు. బాధితురాలి స్నేహితులు చెప్పేంత వరకూ ఈ విషయం ఆమెకు తెలియదు. ఎక్కడెక్కడ బాధితులెవరు.. శిక్షలిలా… |
| పసిమొగ్గలపై పైశాచికమా.. పోక్సో చట్టం 2012  మూడు పోలీసు కమిషనరేట్ల పరిధుల్లో ఏటా నమోదయ్యే కేసులు 209అమాయకమైన మోము… కల్తీలేని చిరునవ్వులతో సంతోషంగా ఉండే చిన్నారులను చూస్తే ఎవరికైనా ఆనందం కలుగుతుంది. కొందరు కామాంధులకు మాత్రం వారితో పైశాచిక కోర్కెలు తీర్చుకోవాలన్న మృగతృష్ణ కలుగుతుంది. వారు ఆటవస్తువులు కొనిస్తామనే నెపంతో పిల్లలను నిర్జన ప్రాంతాలకు తీసుకెళ్లి లైంగిక దాడులకు పాల్పడుతున్నారు. ఎక్కడెక్కడ బాధితులెవరు.. శిక్షలిలా… |
| అర్ధరాత్రి ఫోన్లు ఆకతాయి చేష్టలు ఐటీ చట్టం 66సి ఐపీసీ 354(డి)  గతేడాది మూడు పోలీసు కమిషనరేట్ల పరిధుల్లో ఫిర్యాదులు 358రాత్రిళ్లు పదేపదే ఫోన్లు చేసి చికాకుపెడుతున్నారా! ఎవరో తెలుసుకునే లోపే కట్‌ చేస్తున్నారా! ఆఖరికి అసభ్యంగా మాట్లాడుతూ వేధిస్తున్నారా..అలాంటి వారిని ఐటీ చట్టం కటకటాల వెనక్కి పంపుతోంది. ఫోన్లు చేసేవారెవరో తెలీదు… భర్త లేదా తల్లిదండ్రులకు చెబుదామంటే భయం.. ఇలా ఇబ్బందిపడే మహిళలకు భరోసా ఇస్తున్నారు సైబర్‌ పోలీసులు. ఎక్కడెక్కడ బాధితులెవరు.. శిక్షలిలా… |
(Courtesy Eenadu)
